Escola Infantil Trisquel: PROGRAMA PARA A EDUCACIÓN FAMILIAR

Concíbese o programa de Educación Familiar como un servizo educativo e psicosocial de prevención, intervención e apoio dirixido ás familias e a toda a comunidade. Ten como finalidade promover a calidade de vida e o benestar social das familias e dos membros que a integran. Persegue a promoción da autonomía familiar, o desenvolvemento integral das súas potencialidades e a súa participación activa como protagonistas do seu cambio, a partir dun proceso co-construído entre as familias, as/os profesionais e os axentes da súa comunidade.

Os contidos ou obxectos de coñecemento que se deben abordar a través da Educación Familiar, tanto en actuacións grupais e comunitarias como de apoio socioeducativo personalizado, son, entre outros:

Diversidade familiar: diferentes realidades familiares.
Os dereitos e responsabilidades das familias.
As funcións e roles das familias: satisfacer as necesidades dos seus membros (de protección, emocionais, educativas, sociais e relacionais, cognitivas, físicas...).
As necesidades da infancia nas diferentes etapas evolutivas.
Contextos socioeducativos.
Educación para a saúde.